Saranda mirëpret artizanët shqiptarë

Saranda mirëpret artizanët shqiptarë

Ganimete Doli ishte e vetmja artizane nga Gjakova që kishte sfiduar rreth 500 kilometra rrugë për të marrë pjesë në edicionin e dytë të panairit të suvernireve artistike me qasje mjedisore “Saranda 2013” në qytetin jugor të Shqipërisë me të njejtin emër. Ajo bashkë me 50 subjekte tjera nga Shqipëria, Kosova, Maqedonia dhe trevat tjera shqipfolëse ekspozuan prodhimet e tyre për tri ditë në datat 15, 16 dhe 17 gusht në shëtitoren kryesore “Naim Frashëri” në Sarandë.  Panairi u organizua nga Agjencia Joniane e Mjedisit, Medias dhe Informacionit e njohur me akronimin AJMMI dhe mbështetjen e Bashkisë së Sarandës. Ky aktivitet synonte promovimin turistik të resurseve të tradites së artizanëve shqiptarë në fushen e punimeve të dorës, me realizime të artikujve në lloje të ndryshme materiali si: punime në qëndisje, në material leshi, druri, metali, guri, lekure, etj. Ganimete Doli e cila veprimtarinë e ushtron edhe në Gjakovë përmes firmës së saj “Finesa” morri pjesë për herë të parë në këtë panair me disa nga punimet për të cilat thotë se jo shumë veta dinë t’i punojnë. “Punë dore janë gjitha punimet e mia, disa prej të cilave s’i punon gjithkush. Gjithmonë mundohem që të gërshetoj tradicionalen me modernen”, thotë Doli, duke shtuar me keqardhje se ky zanat është në zhdukje dhe se me të po merren vetëm femrat që kanë punuar që nga vitet e kaluara sepse të rejat nuk kanë interesim.

Sarandë/ U cel për të dytin vit radhazi Panairi Kombëtar i Suvenirëve.

Sarandë/ U cel për të dytin vit radhazi Panairi Kombëtar i Suvenirëve.

Agjensia Joniane e Mjedisit, Medias dhe Informacionit (AJMMI) në bashkëpunim me Bashkinë e Sarandës kanë organizuar për të dytin vit Panairin Kombëtar të Suvenirëve. Vendosur në shëtitoren kryesore të qytetit “Naim Frashëri”, dhjetra artizanë nga të gjitha trevat shqipfolëse kanë ekspozuar punët e tyre në kuadër të sezonit turistik.

Rreth 50 stenda u ngitën në gjithë gjatësinë e shëtitores, ofruar fala nga bashkia, të cilat ekspozuan suvenirët e prodhuar kryesisht me dorë apo në formë tradicionale në material druri, guri, leshi apo edhe me guaska deti.

Ne Foto: Tabele sinjalistike e komunës Mesopotam (Delvinë)ku paralajmërohet se territori me bimë medicinale "ka zot"komunën. Rasti i parë në Shqipërinë e Jugut,si një qasje pozitive.

Punimet artizanale, një harmonizim i traditës me modernen në Sarandë

Punimet artizanale, një harmonizim i traditës me modernen në Sarandë

Organizata dhe individë nga Shqipëria e Kosova me iniciativa të përbashkëta si nxitje për të gjallëruar tregun e prodhimeve me dorë me bazë drurin, bakrin, lëkurën, alabastrën, leshin, filigramin, qëndisjet etj. Artizanët në Shqipëri dhe në Kosovë janë duke u ndeshur me një sërë vështirësish serioze. Kriza ekonomike që ka mbërthyer dhe sektorë të tjerë, globalizimi dhe konkurrenca e industrisë që i nxjerr produktet e tyre me kosto shumë më të lartë, këputja e traditës familjare për trashëgiminë e profesionit të punës me dorë në rradhët e brezave të rinj, janë disa nga faktorët që e kanë rrudhur sektorin artizanal.