FEJTONI

Rubrika:  Shqiperia jone, ku realiteti ia kalon fantazise.

FEJTON

Nga shiu, ne bresher…

Nga Ivan KAMENICA

Me furgona, jo! Me autobuza, po! Po do te udhetosh me siguri dhe komoditet, ne vitin 2014! Me keto mend ne koke ,sa mbarova pune ne Tirane, m’u kujtua se per te prentuar nje bilete  autobuzi  drejt Sarandes, mund  t’i telefonoja agjencise se udhetareve te Berryli ne Kryeqytet.

-Agjencia?Ju lutem , a mund te prenotojme dy  bileta drejt Sarandes, per sot,  ne oren 22.00? Vendi  numer 1 dhe 2? Qenkemi  me fat! Faleminderit! Jeni shume te sjellshem!

-Sa mire.-iu drejtova  Albionit , studentit te vitit te fundit ne Filialin universitar te Tiranes ne Sarande me te cilin isha nisur dy  dite me pare per nje seminar trajnimi me Xhemal Maton.

-Bravo, Ivan ,-ma ktheu studenti.-Me 20 sekonda  telefon celuar, zure vend te privilegjuar ne autobus….I  ke miq keta te Agjencise?

-C’mik, more  Albion  Meci? Ku ka nevoje per mik tani? Tani ka standarte! Prenoto, jep leket edhe “Ok”,shko ne destinacion …ne Sarande, ne kryeqytetin  turistik veror te Shqiperise… Jo po, si dikur? Te zinte stresi. A do kete vende? Cili shofer e ka sot Tiranen? ...Iku koha e Baba Qemos kur shoferat te dukeshin si bimbashe lokale. Dikur , per tre ore seminar ne Tirane, haje dy nete fjetje larg shtepise. Tani,  Berisha  i mbaroi pothuaj te gjitha rruget kryesore…Se mos I vajti ne mendje per nje Rruge Kombi andej nga Jugu, pa ta shihje !…Per dy ore rruge nga Saranda ne Tirane; do ta pije kafen e mengjesit te Blloku, afer shtepise se Enverit….dhe per dy ore nga Tirana ne Sarande, e pije kafen  te “Limani”, te Bashkim Bequa, bashke me pulebardhat e detit….ose te “Lindi” te Genc Sulo ku e pi makiaton ti me dr.Agim Nelajn dhe Xhorxhi Vasilin…

Ne Tirane, ate nate binte shi pranvere I ftohte dhe te gjithe pasagjeret, sapo iu afruan atobuzit me targa te Sarandes ne oren 10  pa cerek te nates, i shihje te  mbanin fort cadrat dhe cantat, sikur t’ua merrte njeri nga dora.

-Mos u shtyni!-u tha pasagjereve shoferi I Sarandes me emrin Simo Bako qe mbante nje kapele me strehe te gjate ne koke per te cilin  thoshin se nuk e heq prej kaptine ne asnje stine te vitit. Madje, edhe kur bie per gjume…

-Ka vend per te gjithe! Mos u shtyni!…. –I qetesonte pasagjerte  Simo kapelja.  –Pasagjeret kerkonin te terr numrin e vendit sipas biletes se prere te Berryli. Por asnje numer sedilje nuk lexohej gjekundi megjithe  ndricimin qe krijonin me celular pasagjeret e nates. –Une e kam kollaj fare,-tha Albion Meci.-e gjej ne terr:1-shi, 2-shi. Hopaa!-dhe beri  te ulej.

-Moosss!-Bertiti Simo Bakua me kapele me strehe te gjate.Tamam, sikur Albioni do te ulej mbi nje arke me mina ose mbi bikerina plot me veze.

-Pse?!...

-Eshte sedilja e lagur …,-Per koke te mamase. …Kalo te nje sedilje tjeter..

-C’do te thote kjo ,mo Simo?-e pyeti me qesendi nje sarandite me floke te verdha te prera shkurt qe po rregullohej ne vendin nr.4.

-C’t’u them, une mo,-ia ktheu Simo Bakua,-       Kur hyme mbreme ne Tirane na kapi nje dege pishe  catine e autobuzi, te nje trotuar andej nga 21Dhjetori, prandaj...Nuk eshte  autobuzi jone ki ,per koke te mamase. Eshte i Micos nga Cuka. Autobuzi jone eshte kartoline, po dje ua dhame per  turista…atyre te agjencise turistike.

Une e degjova dhe qesha me vete me  fatazine e Simo Bakos. Te njejten genjeshter e kisha degjuar edhe para nje muaji nga goja  e tij. Fare qete.Njelloj si te thoshte: “Sot eshte e premte”. Per nje situate te ngjashme ne autobus. Edhe atehere ,autobuzin nuk e kishin te tyre; edhe atehere”n je dege pishe ua kishte care catine e autobuzit “ ketu ne Tirane. Madje, diku te 21 Dhjetori”!. Po , ai autobuzi, I verteti, I tyre, ishte kartoline ,por per dreq,  e kishin dhene per turistat per agjencite e Sarandes…Bravo, Simo Bako!!,- thashe me vete. Monolog i goditur….

-Une nuk e ndryshoj vendin! E kam prenotuar, -tha  Albion Meci dhe hapi cadren e vogel te shiut per t’u mbrojtur nga pikat qe binin mbi sedilje!!...

Pasagjeret  nisen ilaritetin. Ca qeshnin. Ca ankoheshin.

-Po une qe s’kam cader dhe kam tre femije te vegjel, c’te bej mo shoferi,?-iu drejtua Simo Bakos nje grua brune, egjiptiane nga Delvina. -U kuptua qe edhe te vendi ku ishte ulur brunia delvinjote , binin pika shiu nga llamarinat e catise se autobuzit…

-Po ate plasmasin qe ke mbeshtjelle leven e marshave, c’e ke, mo Simo?-e pyeti shoferin e Sarandes biondja sarandite e numrit 4.

-Sec i  kishin bere te zotet  e autobuzit mo, dhe ngjiste dora…si me mastic..Prandaj i vura nje qeske plastike…-ia ktheu qete-qete, shoferi i kompanise interurbane te trasportit “TRANSBUTRINTI”. –S’eshte i joni, mi. C’ke me tonin ti.!! Ai eshte kartoline. Me ngjira….!

-Pse s’thua mo, qe ki autobus qenka per t’i prere shiritin e inagurimit?!....-qesendisi biondja. Dhe shtoi:

-Por per te ngrohur nuk e ngohni nje cike kete kioske me  40 vende, apo s’ka kondicioner ?!.U plevitosem fare. Cona ne spital direct kur te vemi ne Sarade…Po vajtem…

Ilaritet...Beja te shikoja pak nga xhamat e autobuzit nese e kishim kaluar Durresin apo Kavajen, po nuk ishte e mundur. Kishte qelluar qe pjesa ime e xhamit te ishte lyer me nje tip reshire apo llaku  qe e bente te pamundur  shikimn dhe orientimin M’u kujtua se me kete autobus kish udhetuar ca dite me pare edhe miku im, Xhorxhi qe ishte habitur pse “bordi” I autobuzit kishte devijuar  nga aksi nacional ne Mallakaster , pa u thene asnje fjale pasagjereve per t’u furnizuar me karborant ndonje km larg aksit te rruges nacionale, ne karborantin e  nje fshati…Ne fund te fundit, standarti e reja te sherbimit  qe zbatojne stafet e autobuzave,  s’e kane per gje qe pasagjeret  mund t’i shpiesh per te drekuar  apo darkuar, pa u thene asnje se ku.P.sh,  ne nje  restorant nate si “Gjoni” ne Krahes ,ku pronaret ,si buratine plasteline u sherbejne me perunjesi vetem shoferit dhe adjutanin e tij-fatorino dhe per klientet ,pasagjere autobuzi, shpesh nuk ka as letra per t’ua shtruar ne tavoline. Rendesi ka, qe ata, “bordi”I autobuzit  u con kliente edhe ne 2 pas mensate dhe te mllaciten mire e mire me biftek skare e te ikin te kenaqur….sigurusht, pa vene doren ne xhep.   

Per c’kartoline me “ngjira”,  e ka fjalen shoferi I linjes interurbane te Sarande-Tirane dhe Tirane –Sarande?-iu drejtova  mikut tim, studentit nga Kucova. Harrove ti qe nje dite me pare pare, ky kompetenti me kapele, na la ne fushe te Tepelenes per nje ore sa beri nje gome afer lumit te Bences si dikur Barba Sharra ne linjen e Borshit? Thote  mire kjo biondja e numrit 4. Vetem hudhrat I mungojne linjes interurbane te Sarandes qe mos ta hane me sy!!…. Ama, nje varg me hudhra duhet t’ia varin ne qafe edhe ndonje fatorinoje si ai  Nondi,kokeverdhi qe kerkon para per catat e medha dhe    te kujton ata muzhiket e trenave ruse te viteve 1910-1917 . Nuk ka faj as muzhiku fatorino  qe hungeron ne autobusin e “standarteve” si nje derr I bute dhe qe kuterbon nga era e cigares si nga era e koleres. Ne fund te fundit, luftojne per standarte europiane edhe ne udhetimet inerurbanea te "TRANSBUTRINTI"-t , ne .Dhe e kane seriozisht ,ne kete cep turistik te Katundit tone te madh ku, realiteti vazhdon t’ia kaloje fatanzise.///

Kryebashkiaku CIPA: “2014-ta, per qytetaret e mi”

 

Kryebashkiaku CIPA: “2014-ta,  per qytetaret e mi”

Cipa: “Ne Sarande vjen si pushues dhe percillesh si mik”. “Informacioni i disponueshëm nga agjencitë tona turistike, jep siguri se shifra vjetore prej 500 mijë turistë, do të tejkalohet të paktën me 20% më shumë.”

Revista"URAT":- Zoti Cipa, si po paraprihet nga Bashkia sezoni turistik 2014?

PERGJIGJE:- Saranda  u gjend përpara dy eventeve të mëdha: Festa e Midhjes dhe Festa e Sezonit “Verë 2014”. Për Bashkinë këto janë vleresuar si përgjegjësi të mëdha dhe prova të mëdha që duhet të japë para bashkëqytetarëve dhe përpara të gjithë atyre që do të vendosin të zgjedhin Sarandën për pushimet e tyre.  

Ka kohë që punohet për ta përgatitur sa më mirë qytetin, në parametra sa më cilësorë. Këtë shpreh edhe sllogani i kësaj vere, që është: “Destinacioni Juaj-Saranda Jonë. Këtu vjen si pushues dhe përcillesh si mik”.

Festa e Midhjes, në edicionin e tretë dhe ajo çel, paraprin një fundjave të veçantë, festimesh dhe promovimesh, duke bashkuar në një, festën lokale më tipike te Sarandes me atë që Saranda e ka si industrinë e vet: turizmin.

 Pritshmëritë jane qe ky sezon do të jetë më i suksesshmi i tërë viteve të fundit për Sarandën.  Vetëm në këtë javë që po mbyllim grupe të mëdha turistësh të huaj kanë ardhur e kanë marrë shijen e parë të një qyteti, ku ia vlen të pushohet.

Ju i keni meshuar se fundi rivitalizimit te pejzazhit ne disa pika kreative si kompleksi prane Limanit (Pontilit) te Vjeter te qytetit, shtrirja e shetitores ne Plazhin e Ri ,etj,. Cila eshte ecuria e shnderrimt te ketij rivitalizimi ne asete te reja turistike te Sarandes? 

PERGJIGJE:-  Përgatitjet e Sarandës për sezonin “Verë 2014”, kanë në fokus rivlerësimin urban të hapësirës përreth Limanit të vogël të qytetit, që një fakt është një prej hapësirave më publike e më të rrahura edhe nga flukset turistike, por edhe më tipike për një bregdetar si Saranda. Projekti  e shnderron kete hapesire ne një nga qendrat festive te qytetit, sjell vërtet një rivlerësim të hapësirës publike përreth Limanit të varkave të vogla, duke përfshirë edhe pjesë të shëtitores.Projekti, me nje kosto prej 33 milionë lekë synon t tërheqës  me shume vizitore dhe ta beje më të ngrohtë qytetin per te gjithe.

Dëshiroj të them për revistën “Urat” se çdo element i përdorur për rikonstruksionin që realizohet në këtë pjesë historike të qytetit, evokon një pjesë të historisë dhe karakteristikave tipike të tij. Projekti nënvizon disa karakteristika që e dallojnë Sarandën nga qytete të tjerë, jo vetëm për praninë e varkave të Limanit të vogël, kaq pranë me shëtitoren, por edhe si qytet i traditës së shkallareve të gurta, i bukonviles dhe gjelbërimit të shumëllojshëm. 

Kësaj tradite i jemi referuar në atë element të shtrimit me pllakë guri të bardhë, të 450 m2, duke nisur nga muzeu etnografik dhe gjithë sheshin e ri që përftuam nga zgjerimi. Një element tepër i rëndësishëm është rrugica, që do të shërbejë për lëvizjen brenda kësaj lulishteje, e cila do të jetë e shtruar me mozaik e do të shërbejë dhe për lidhjen midis Muzeut dhe Galerisë së Arteve, duke lehtësuar dhe natyralizuar kalimin dhe vizitueshmërinë e një kompleksi unik. 

Pjesë e projektit është kujdesi për ndriçim funskional, dhe si nje risi vjen vendosja e 80 gurëve anësorë që do të rrethojnë Limanin deri te Fari, në vend të kangjellave të derisotme. Bashkia vjen ne kete sezon edhe  me projekte të tjera, që përfshijnë pishinën natyrale, pjesën më të re të shëtitores tek Plazhi i Ri, etj.

Bilanci është impresionues në shtimin e sipërfaqeve të gjelbëruara dhe në shërbimet që u bëhen atyre, për t’i patur si pjesën më të gjallë të dekorit të qytetit, me impakt në cilësinë dhe kulturën e jetës e të pushimit. 

Si po ecen dinamika e devizes suaj ne Sarande: “Prish beton e mbill lule?”

PËRGJIGJE: -Është e njohur nisma jonë prej fillimit, e formuluar “prish beton dhe mbill lule e pemë”, për të fituar edhe centimetrin katror, që kishte mbetur jashtë babëzisë së privatit. Deri tani,  na rezulton se janë mbjellë aq pemë dhe sipërfaqe të gjelbra, sa dyfishi i pesë viteve të fundit të marra së bashku.
Per të reguar se sa e kemi konkretizuar sfidën tonë antibeton, mjafton të përmend se janë shtuar 1.200 m2 lulishte të reja. I kemi shtuar Sarandës 3 lulishte të reja, si: në shetitoren “Hasan Tahsini”, Bar “Qesari” dhe përballë limanit, ku u prishën 800 m2 betone.

Për t'u hequr ish-përdoruesve të paligjshëm të këtyre sipërfaqeve, çdo mundësi për të ringritur shërbimet e tyrë, me matrapik dhe skrep, është bërë shkatërrimi përfundimtar i tyre. Gati 2000 m2 sipërfaqe të gjelbëra i fituam dhe i kthyem nga private në publike, përmes aksionit të fundit për prishjen e ndërtimeve pa leje dhe në thellim të nismës sonë të njohur “prish beton e mbill lule dhe pemë”.

Norma e sipërfaqes se gjelbëruar për frymë bre-nda këtij 3-vjeçari u rrit 12% dhe u përmirësua cilësisht ajo. Janë krijuar 3 lulishte të reaj, si: në shetitoren “Hasan Tahsini”, Bar “Qesari” dhe në lokalet buzë shetitores e mbi Liamanin.

Dhe sfida vazhdon, për t’iu afruar normës europiane të gjelbërimit dhe si një mënyrë efikase për të zbutur efektin beton.

Projekti ynë për sipërfaqet e gjelbëra, në finale do të bëjë që të përmbyset raporti i papranueshëm, që tani është në favor të betonizimit. Në bindjen time është se betoni ka fituar vetëm një betejë, ndërsa fitorja e kësaj lufte do t’i takojë gjelbërimit.

Cilat do të veconi si risi të këtij sezoni të ri ?

PËRGJIGJE: - Në radhë të parë do të kemi det dhe plazhe tërësisht të pastër nga filtrimet e ndryshme, që kanë qenë problem në tërë këto vite. Për ne dhe për të gjithë ata që Sarandën e kanë të preferuarën e tyre për pushimet verore, është një lajm i mirë që fundi i muajit maj, shenoi fundin e mbajtjes jashtë funksionit të impiantit të ujërave të ndotura në Çukë.

Risia e dytë lidhet me faktin se kjo është vera e parë që investimi i Bankës Botërore për portin e kruazierave, do ta japë të plotë impaktin e vet, pasi përfshin të gjithë sezonin. Kjo ka dhënë kohën e nevojshme për lidhjen e kontratave me kompanitë e kruazierave, që organizojnë këto udhëtime.

Bashkia ka konkretizuar më shumë politikat e saj për t’i ardhur në ndihmë të bizneseve turistike. Kemi ulur taksën e fjetjes ne hotel, të mbështetur me vendimmarrjen e këshillit bashkiak.

Përveç turistëve nga trevat shqiptare dhe nga fqinjët tanë, presim flukse nga Polonia, Izraeli, Serbia, Rusia, etj.Surprizë per ‘gjeografine e vizitoreve te huaj për këtë këtë verë, përbën ardhja e 900 turistëve suedezë, e konfirmuar kjo nga ambasada e Suedisë në Tiranë. Me 26 maj, mbërrin grupi i parë me 90 vetë, që përdorin aeroportin e Korfuzit për ardhjen me avionë çarter, në sezonin 26 maj-23 shtator, ndërsa destinacion i tyre i parë është Saranda.     

Sa dhe si, eshte mjedisi nje prioritet ne punen e Bashkise qe ju drejtoni? Po ne problematikat qe ka trajtuar Keshilli Bashkiak?

PËRGJIGJE: -Pasurimi i qytetit me hapsira të gjelbra e frymëmarrje urbane, krijimi i një mjedisi favorizues për turizëm, do të rrisin kualitetin e cilësinë e jetës në qytet e në zonat përreth tij.

Ky plan i përgjithshëm vendor i jepë zgjidhje disa prej problemeve e dukurive që janë kthyer në atavizma të zhvillimit e për të cilat vuri theksin edhe Konferenca, “Saranda- pasuri historike, t’i kthejmë vlerat dhe identitetin e vet”. Qëllimi kryesor është që, plani të evidentojë përvoja e alternativa të ndryshme zhvillimi, ta konservojë të keqen në dimensionet e përmasat që është sot dhe, të përcaktojë mundësitë e ndërhyrjes për ta minimizuar e balancuar atë. Modeli i planifikimit të përgjithshëm vendor,eshte të mbrojë e zhvillojë më tej vlerat kulturore, historike, turistike e mjedisore të qytetit, të fusë në normalitet zhvillimin urbanistik e turistik të tij. Efektet e padëshirueshme që përjeton aktualisht qyteti i Sarandës, janë pasojë e zhvillimit kaotik , me “dorë të lirë” deri tani.

Zhvillimi aktual e ai afatgjatë vendor kërkon të realizohen në mënyrë të atillë që të sigurojnë diversitet mjedisor, kulturor dhe social që qyteti, të mbrohet e të zhvillohet më tej. Të mbrohen identiteti, tradicionalja e të zhvillohen më tej risitë e alternativat e reja të zhvillimit. E rëndësishme është që t’i hapet rrugë e të krijohen gjithë hapësirat e nevojshme për një zhvillim të qëndrueshëm e të kontrolluar të qytetit. Zhvillimi kaotik dhe i pakontrolluar për një periudhë relativisht të gjatë, rreth 20 vjet, kanë bllokuar vetë proçesin e për pasojë, kanë kompromentuar edhe vetë zhvillimin.

 Duke patur edhe mirëkuptimin e Këshillit Bashkiak dhe vendimmarrjen e tij, synojmë ta kthejmë atë në  pontencial zhvillimi për vitalizimin e pasurive, vlerave e identiteteve të qytetit. Krahas ndërtimit përgjatë vijës së ujit të një shëtitore (lungo-mare) 5.2 km, së bashku me infrastrukturën përkatëse  (Kanal Çukës-Limion). Prioritet i këtij plani do të jetë krijimi i hapësirave e mundësive për rritjen e kapaciteteve të gjelbra të qytetit, i fashove të gjelbërta, për të vendosur raporte në përmirësim të vazhdueshëm të gjelbrimit ndaj betonizimit.

Synojme te krijojme hapësirat e duhura  që të konturohet një zhvillim afatgjatë, shumëplanësh  dhe gjithëpërfshirës i cili  të optimalizojë zgjidhjet strategjike të zhvillimit me problematikën aktuale, duke ofruar zgjidhje të qëndrueshme e në kohë të tyre.

-  Publiku e di tashme, odisene absurde te ujesjellesit te qytetit bregdetar. Por qytetari kerkon te dije : Pas perfundimit  te investimeve aktuale, me sa ore uje ne dite, pritet te furnizohet cdo familje ne Sarande dhe fshatrat e Bashkise?

PËRGJIGJE: - Ne shpresojmë që me investimet e Bankës Botërore dhe bankës gjermane KFË, të ketë një përmirësim të dukshëm edhe në furznimin me ujë gjatë kësaj vere.

Falë punës që është duke u bërë, nuk ka dyshim se përfitues më të parë nga ky investim do të jenë banorët e zonat që kanë qenë më problematike si Lugu I Dardhës, lagja Kodër, et,j. Kësaj situate do t’I shtoja bashkëpunimin dhe mirëkuptimin që është vendosur tashmë mes Bashkisë dhe drejtuesve të ujësjellës-kanalizimeve sh.a., duke vënë në qendër interest e qytetarëve. Një vëmendje që për vite me radhë ka munguar, na kushton drejtoria e përgjithshme e ujësjellës-kanalizimeve për këto problem, pasi pas 8 vjet politike anitSarandë, kemi të gjitha arësyet të mendojmë se edhe për furnizimin me ujë Saranda është një prioritet I qeverisë Rama. Për banorët dhe pushuesit e kësaj vere ne japim sigurinë se do të ketë edhe një furnizim më të mirë me ujë të pijshëm, falë investimit të Bankës Botërore e bankës gjermane KFË dhe administrimit më të mirë të rezervave ujore.

Cilat do te jene eventet kyesore te vitit 2014 ne Sarande n fushe te investimeve dhe promocionin turistiko-kulturor?

PËRGJIGJE:- Bashkia ka programuar të mbështesë një varg veprimtarish, me karakter lokal, kombëtar e ndërkombëtar, si produkte artistike që do të shoqërojnë sezonin veror e do ta bëjnë atë më relaksues, si për banorët edhe për turistët vendas e të huaj.  Si të tilla mund të përmend disa:   “Dita e Sarandës” në Prishtinë;   Festa e Midhjes dhe Çelja e Sezonit( 9-10  Maj);  “Art pa kufij”, që sivjet organziohet me artiste nga Shqipëria, Greqia e Kosova ( 11 maj);  Festivali i Këngës dhe Valles për Çamërinë ( 27 Qershor); Festivali Ndërkombëtar i Filmit(                         Qershor);  Festivali Ndërkombëtar i Teatrit në Butrint (Korrik); Zhvillimi i kampionatit të “Streetboll Saranda”( Gusht); Panairi i trete Kombetar I Suvenireve Artizanale me qasje Mjedisore (Gusht); ,etj,.Do të vijnë artistë të shquar këngës e të humorit me spektakle dhe shoë(Korrik+Gusht); Manifestimi kultror-artistik Sarandë-Prishtinë për 15 vjetorin e eksodit biblik të shqiptarëve të Kosovës, organizuar nga “Media Plan”, mbështetur nga Bashkia Sarandë   (Gusht),etj,. 

Eshte nje fakt qe me nismen tuaj startuan Konferencat kombetare zhvillimore  per Saranden. Cfare kane prure  ato ne vizion dhe strategji dhe c’pritet te sjelle per pellgun e Sarandes ne terma kokrete, “Rilindja”?

PËRGJIGJE:- Në përpjekjen tonë për të zgjeruar kufijtë e sezonit veror dhe për të ofruar edhe alternativa të tjera për turizëm në stinën e vjeshtës dhe pranverës, të paktën, Bashkia inicioi dhe dha modelin e organizimit të konferencave. Ato jo vetëm që sollën në Sarandë turistë të një lloji tjetër, por na ndihmuan për të idenitifkuar problematika dhe zgjidhje të mëdha për Sarandë, që lidhen me zhvillimin e identitetit kulturor, historik, arkeologjik etj., dhe me kirjimin e lobimit nën slloganin “të gjithë për Sarandën e të gjithëve”. Po kështu, shtruam nevojën e rigjenerimit urban të Sarandës, pas betinizimit ekstrem që i ndodhi në vite dhe tërhoqëm mendime në nivele politike dhe të ekspertëve, se si mundet ta bëjmë Sarandën pa e zhbërë atë e kjo të shërbejë si katalizator për zhvillimet turistike.

Pas këtyre kontributeve me vlerë, një tjetër konferencë kombëtare, inicuar nga qeveria Rama e vuri Sarandën në qendër të një programi zhvillimor, një program i njohur ndryshe i investimeve kapitale (PIK) në Bregdetin e jugut, i cili u prezantua dhjetorin e kaluar pikërisht në Sarandë, me prani të Krye-ministrit. Fjala është për një paketë, që vetëm është dëshiruar dhe vetëm ka munguar deri tani dhe që pritet t’i japë impuls të paparë zhvillimit të infrastrukurës dhe aseteve të këtij rajoni, me shumë rëndësi për ne vetë, por edhe për gjithë ekonominë kombë-tare. 

Do të perifrazoja Kryeministrin Rama, që tha shprehimisht në Sarandë se “Jemi në zonën më pjellore sa i përket dimensionneve në shumë plane: historike, kulturore, klimaterike e njerëzore”. Me rëndësi kapitale nga këto investime për ne është vijimi i punës për rrugën e pestë të qytetit, ai për vënien në punë të impiantit të përpunimit të ujërave të zeza, si dhe përfundimi i investimit për portin e kruazierave.///